ID-porten er ei felles innloggingsløysing til offentlege tenester på nett. Verksemda di kan enkelt tilby innbyggjarane sikre digitale tenester ved å bruke ID-porten som innloggingsløysing.
 

• De treng ikkje å administrere verken brukarnamn, passord, eller brukarstøtte for eigne innloggingløysningar
• Innbyggaren kan logge inn med kjente elektroniske e-ID-ar som MinID, BankID, BankID på mobil, Buypass og Buypass ID i mobil og Commfides
   

Tryggleik

ID-porten tilbyr e-ID på mellomhøgt tryggleiksnivå (nivå 3) og høgaste tryggleiksnivå (nivå 4). Det betyr at verksemda di kan tilby fleire og meir avanserte tenester på nett, til dømes tenester som inneheld meir personsensitive data.
 

Tilgjengelegheit

ID-porten er tilgjengeleg på bokmål, nynorsk, samisk og engelsk, har innebygd alternativ for høgare kontrast og for større skriftstorleik.

For hjelp til innlogging eller spørsmål kring løysinga kan innbyggaren kontakte Difi si brukarstøtte som er tilgjengeleg på telefon, e-post og chat (måndag-fredag – 08.00-15.30). Det er også muleg å bestille utvida opningstid (mot betaling regulert i bruksvilkår).